Milusad sa walag-tuo nga lihok protesta ang sektor sa edukasyon, ug relihiyoso sa ika-40 ka tuig sa EDSA People Power Revolution, dinhi sa syudad sa Cagayan de Oro, kagahapong adlawa.
Usa niini ang grupo sa Promotion of Peoples Church Response – Northern Mindanao sa pagpangulo ni Fr. Jefferson Palasan.
Miingon si Palasan nga ang ilang protesta mudugtong sa ilang unang-duha ka lihok protesta nga gilusad niadtong Setyembre ug Oktobre 2025, ubos sa panawagan nga TRILLION PESO ANTI-CORRUPTION MARCH Rally.
Sama sa gilauman, gibitbit sa ilang miyembro ang ilang mga plakards ug panawagan nga unta makasuhan na ang mga politiko nga nangawkaw sa kwarta sa katawhan ilabe na sa isyu sa flood control kickback sharing ubos sa buhatan sa Department of Public Works and Highways (DPWH).
Gipadumdum usab sa grupo ang dautang epekto sa rehime ni kanhi Presidente Ferdinand Marcos Sr dihang iyang gideklarar ang martial law sa Pilipinas
