CAGAYAN DE ORO CITY – Dili magpatoo nga bright kay bag-o pa ug dili sila konsiderahon nga 2nd citizen sulod sa mga sesyon sa konseho.
Kini ang tubag ni ABC Federation President Kag Alam Lim sa pagkuwestiyon sa minoriya kon nganong gipahupot sila’g dugang mga committee chairmanship sa konseho.
Miingon si Lim nga andam sila sa kanunay pag-atubang kon mokaso ang minoriya sa konseho sa DILG ug regular nga korte tungod sa ilang paghinobra’g hupot sa chairmanships sa mga komitiba.
Samtang gi-tahod usab ni SK Federation President Kag John Michael Seno ang punto nga gipanalog sa minoriya.
Siya miingon nga managsama sila’g tahas sa konseho hinungdang dili kini angay isulti sa ilang mga kaubanan.
Sila si Alam ug Seno ang pulos ex-officio members o representasyon sa duha ka sektor sa dakbayan ug wala pili-a pinaagi sa regular nga elections.
Samtang walay ilegal sa gihimo sa mayoriya sukwahi sa gipangugat sa han-ay sa minoriya sa konseho sa dakbayan.
Katin-awan kini ni kanhi City Vice Mayor Antonio Soriano kabahin sa mga komitiba nga nahatag sa duha ka ex-officio members nga uban sa panon sa mayoriya.
Gibutyag sa kanhi-bise mayor nga kon anaa sa nauyunan nga house rules & procedures sa konseho,lehitimo kini ug wala makasupak sa balaod.
Sa gihimong eleksyon ug botasyon sa committee chairmanships,si Kag Yvy Emano lamang gikan sa oposisyon ang dunay respetar nga komitiba samtang nagkaduble-doble ang napaingon sa mga sakop sa mayoriya.
