CAGAYAN DE ORO CITY-Magtigi sa pagka-presidente sa Association of Barangay Councils sila si Brgy 40 Kap Alam Lim ug Brgy 33 Kap Conrad Lim sa ilang eleksyon sa Grand Caprice Restaurant,Brgy Lapasan sa syudad.
Miingon si Gusa Brgy Kap Marlo Tabac nga kumpiyansa sila nga makuha ni Kap Alam nga suportado ni City Mayor Oscar Moreno ang kadaugan alang sa ikaduha niini nga termino isip ABC federation president nga mag-representar sa konseho sa syudad.
Nasayran nga inisyal nga nagbaton sa 52 ka brgy kapitan si Kap Alam samtang 28 lamang ang mi-uban kang Kap Conrad alang sa piliay ning adlawa.
Samtang bisan ang federation election sa Association of Barangay Captains sa kapi’g 400 ka brgy ang andam na usab sa Misamis Oriental.
Gibutyag ni Misamis Oriental PNP provincial director Sr Supt Rolando Destura nga prioridad nila mahatagan sa seguridad ang mga brgy kapitan nga motambong sa piliay gikan sa lalawigan.
Una nang mihangyo usab si Gov Bambi Emano nga hatagan sa igong seguridad sa PNP ug DILG ang kalihukan ilabina nga lab-as pa sa huna-huna sa katawhan ang pagpusil-patay kang Danao Brgy Kap Alfredo Zapanta sa Jasaan,Misamis Oriental.
