Lima ka kaalyado sa Europa — U.K., France, Germany, Sweden, ug Netherlands — ang mi-akusar sa Russia nga mao’y responsable sa pagkamatay sa kritiko sa Kremlin nga si Alexei Navalny pinaagi sa usa ka “rare nga toxin” nga gikan sa poison dart frogs.
Ang mga laboratoryo sa Europa nakapamatood nga adunay epibatidine, usa ka makamatay nga neurotoxin nga makita sa South America apan dili natural nga makita sa Russia.
Si Navalny, kinsa naila nga kusganong kritiko ni Presidente Vladimir Putin, namatay sa Pebrero 2024 samtang nag-serve sa 19 ka tuig nga sentensya sa usa ka penal colony sa Arctic.
Ang opisyal nga bersyon sa Russia mao nga siya namatay tungod sa natural nga sakit human sa usa ka lakaw, apan giingon sa mga nasud sa Europa nga klaro nga siya gi‑poison gamit ang dart frog toxin.
Ang lima ka nasud nagreport sa Russia ngadto sa Organization for the Prohibition of Chemical Weapons tungod sa paglapas sa Chemical Weapons Convention.
Ang ilang pamahayag nag-ingon nga ang Russia adunay “means, motive, ug oportunidad” aron ipatuman ang maong pagpoison. (James Oliver)
