(Update) CAGAYAN DE ORO CITY – Ihaya sulod sa duha ka adlaw’g gabii ang patay’ng lawas sa giilang bantugang manunulat,magbabalak ug magsisibya nga si Lina Saragal Reyes ning syudad.
Kini ayha dad-on ang mga abo sa iyang patay’ng lawas sa kauluhan subay sa pasiunang plano sa pamilya niini.
Gibutyag ni Cagayan de Oro Press Club Pres Froilan Gallardo nga kini ang nasulti sa kabanay ni Saragal-Reyes nunot sa gidangatang kamatayon tungod sa balatian sulod sa ospital kagahapon sa hapon.
Miingon si Gallardo nga sugdan ang pagbukas sa haya alang sa katapusang respeto ug mga pag-ampo karong adlawa hangtod sa Lunes sa Saint Peter’s Funeral Homes sa Iponan ning syudad.
Kini tungod kay sa pagka-Martes,ipaubos na kini sa cremation ug dag-on ang iyang mga abo didto sa kauluhan.
Nunot niini,gitakdang duawon sa COPC officials ug mga miembro ang haya ni Reyes sa adlaw nang Lunes.
Namatay si Reyes sa edad 63 samtang gitambalan sa Northern Mindanao Medical Center.
Hisayrang siya awardee sa 1987 Palanca Awards nunot sa iyang abilidad sulod sa industriya.
