CAGAYAN DE ORO CITY-Gihulatan pa sa kapolisan kon mopasaka ug kaso ang pamilya sa namatay nga lineman batok Camiguin Electric Cooperative o Camelco sa Catarman,Camiguin.
Base sa report, igo lamang misaka ang biktima nga si Rigel Casero, 34 anyos ug lumad nga taga Talisayan ning lalawigan sa usa sa mga poste sa Brgy Looc aron molusad sa ilang “metering”.
Nakurat ang mga kauban sa biktima nga kalit kining mikirig human mago sa dakong boltahe koryente.
Paspas kining girespondehan sa iyang kauban apan gideklarar nga dead on arrival sa ospital.
Una niini, gisuta pa sa imbestigador kon may foul play sa pagkamatay sa biktima.
