Trending na sa social media ang mga linyang… “I’ll touch myself nalang”, “You miss my body?”, ug ang post nga “You’re so hot”.
Nagsumikad kini sa Instagram post sa ex girlfriend ni actor Anthony Jennings nga una niyang gipamugos nga nagkabulag na sila, dugay ra. Apan gipakuratan sa iyang ex-gf nga si Jamela Villanueva ang publiko sa iyang pait nga kaagi ug rebelasyon.
Nagsugod ang tanan dihang gipahungaw sa dalaga niadtong Disyembre 3 ang managsunod nga convo ni Jennings tali sa iyang ka love team nga si Maris Racal.
Subay sa post ni Jamela, Hunyo 2024 nagsugod ang mga intimate convo sa duruha ug gani, daghan ang na-shock sa gigamit nga pinulungan ni Jam nga dunay nahitabo nila Maris ug Anthony sa CR sa usa ka bar.
Gipasaylo lang daw ni Jamela ang iyang nasapon nga mga convo tungod kay work related lang daw ang tanan ug gusto ni Jennings nga e-comfort ang iyang co-worker.
Gi-anunsyo ni Racal ang hilom nga pagbuwag nila sa iyang exboyfriend ug allegedly live-in partner nga si Rico Blanco, Hulyo ning tuiga. Mabasa usab sa mga post sa duruha ang ilang sweetness taliwala nga pareho sila dunay mga hinigugma.
Wala pay komento si Racal sa gipabusikad nga expose sa ex gf ni Jennings, kinsa mibati sa grabe ka insulto ug pagmahay sa hitabo. Hinoon, sa pagkutlo ning balita mi-angkon si Jamela nga hinay-hinay na niyang nadawat ang kamatuoran. (Bombo Anne Quileste).
