CAGAYAN DE ORO CITY-Dakpon sa kapolisan ug kasundaluhan kadtong mga tawo nga masapon makasupak sa duha ka adlaw nga liquor ban epektibo sa kadlawon sa Domingo Mayo 13 ning tuiga.
Kini sa pagsiguro nga walay mga tawo nga mihimo’g kasamok sa proseso sa Brgy ug SK elections sa Mayo 14 ning tuiga.
Miingon si Comelec regional director Reynato Magbutay nga gidid-an ang katawhan nga moinom ingon man ang mga tindahan mamaligya sa makahubong ilimnon sugod petsa 13 hangtod petsa Mayo 14 sa kadlawon.
Dugang ni Magbutay nga may nasampulan na sila kaniadto hinungdan nagpasidaan sila sa katawhan nga sundon ang gabayan sa election guidelines aron dili mangadakpan.
Samtang ipakatag sa Cagayan de Oro City Police Office o COCPO ang anaa sa 300 ka pulis sa nagkadaiyang polling centers nga sulod dinhi sa syudad.
Kini alayon sa pagpahigayon sa piliay ug pagbotar sa katawhan sa Brgy ug SK elections sa Mayo 14 ning tuiga.
Miingon si COCPO spokesperson Supt Mardi Hortillosa nga sugdan ang pagpahimutang sa pulis mismo sa adlaw nga dili pa sugdan ang pagbotasyon sa polling precincts sa 80 ka brgy sa dakbayan.
