Lisod makaangkon og asylum si Zaldy Co sa Czech Republic, sumala ni Ralph Sarmiento, usa ka international law expert.
Si Sarmiento miingon nga ang asylum ihatag lamang sa usa ka tawo nga makapakita og igo nga ebidensiya sa tinuod ug lig‑on nga kahadlok sa pagpanlutos tungod sa pulitika, relihiyon, o laing pagtuo.
Giingon niya nga sa kaso ni Co, giapas siya sa gobyerno sa Pilipinas tungod sa pending criminal cases nga may kalabotan sa graft ug korapsyon, ug dili tungod sa political persecution.
Dugang pa niya, kung karon pa mag‑aplay og asylum human sa giingong pagkupot kaniya tungod sa posibleng paglapas sa immigration laws, mahimo kining tan‑awon nga ulahi na ug depensa lamang batok sa kaso.
Gitin‑aw ni Sarmiento nga kon adunay lig‑on nga basehan sa asylum, mas angay unta kini nga gihimo sa mas sayong panahon.
