Padayon ang panawagan sa legal expert nga si Atty. Dale Mordeno nga kinahanglang sundon gyud ang literal nga nakasulat sa Saligang Balaod, labina sa pagdeterminar sa voting threshold sa Senado.
Sumala sa maong abogado, kinahanglang kuhaon gihapon ang 2/3 sa kinatibuk-ang 2 ka sakop sa Senado nga motumbas sa 16 ka boto aron dili matamakan ang katungod sa katawhan nga maoy nagratipikar sa maong balaod.
Gipasabot pa ni Mordeno nga bisan pa kon adunay pipila ka opisyal ang wala makatambong o napriso, giisip gihapon sila nga lehitimong sakop sa Senado basta wala sila ma-expel o mi-resign sa ilang pwesto.
Tungod niini, giawhag niya ang tanan nga dili na usbon o liyokon pa ang interpretasyon sa balaod aron mapanalipdan ang demokratikong prinsipyo nga ang gahum gikan gayud sa katawhan.
