Mainitong gidawat sa administrasyong Marcos ang suporta ni Lithuanian Defense Minister Dovile Sakaliene alang sa paningkamot sa Pilipinas aron pamatud-an nang katungod niini sa West Philippine Sea.
Sa pagbisita ni Sakaliene sa Manila, gilayong gidayeg sa ministro ang kampanya sa Pilipinas nga nagpadayag sa agresibong lihok sa China.
Iyang gihulagway ang paningkamot sa gobyerno ni Marcos nga nakabungkag sa ilusyon nga mahimo kining angkonon sa China, ug ang ilang gipamugos nga imahe nga sila mahigalaong nasud.
Gitawag ni Sakaliene ang transparency initiative sa Pilipinas isip “gold standard” sa pag-atubang sa agresyon sa dagat.
Gidayeg sa Malacañang ang internasyonal nga pag-ila sa mga lakang sa administrasyon, samtang gisaway usab ang pipila ka lokal nga opisyal nga wala magpakita sa klarong baruganan sa isyu.
Si Sakaliene misulti nga ang Pilipinas nagpakita sa kalibutan nga ang China nanlimbong sa katawhan niini, ug iyang gidasig ang mga demokratikong nasud nga maghiusa batok sa nagkadaghang kooperasyon sa mga awtoritaryan nga nasud sama sa China ug Russia.
