PC:PNP-10 PIO
CAGAYAN DE ORO CITY-Kasuhan sa CIDG-10 sa patung-patong nga atrasong kriminal ang giingong magtiayong nurse nga suspected supporters sa grupong Daesh-ISIS nga nasikop sa syudad.
Kini human nakuhaa’g duha ka granada ug kalibre 45 nga armas sila si Eyadzhemar Abusalam, 26 anyos ug iyang kapuyo nga si Diane Catherine Palmitos nga pulos taga-General Santos City diha sa Brgy Tablon ning syudad sa miaging adlaw.
Miingon si COCPO spokesperson Supt Mardi Hortillosa nga hayan ning adlawa,ipasaka ang kaso batok duruha.Samtang giawhag ni His Eminence Luis Antonio Cardinal Tagle,Doctor of Divinity nga tubagon ang sulirang kawad-on ug inhustisya nga daghan sa Mindanao.
Kini ang awhag ni Tagle isip reaksyon sa padayong kagubot sa pipila kabahin sa rehiyon.
Miingon si Tagle nga bisan ang ubang tribu ug kaliwatan ang nangandoy usab sa tinud-anay nga kahusay’g kalinaw
nga kanunay gihadla sa terorismo ug insurhensiya.
