CAGAYAN DE ORO CITY – Gi-ablihan na sa Commission on Elections o Comelec ang local absentee voting o LAV epektibo sa Abril 28,29 ug 30 ning tuiga.
Gibutyag ni Comelec 10 regional director Atty Renato Magbutay nga ang LAV alang ngadto sa tanang mga empleyado sa gobierno ug mga sakop sa media nga ma-destino sa laing lokasyon mismo sa panahon sa eleksyon.
Pagpasabot niini nga tuyo niini nga aron dili mausik ang kahigayonan sa maong mga empleyado sa publiko ug pribado nga makabotar bisan temporaryo sila mabalhin sa trabaho sa piliay.
Sa maong mga petsa, mosugod pagdawat sa LAV ang nagkadaiyang local offices sa Comelec sa alas 8:00 sa buntag hangtod alas 5:00 sa hapon.
Misugyot usab si Magbutay nga aron mas magiyahan ang LAV participants,mas maayu nga mobisita kini sa pinakaduol nga buhatan sa Comelec.
