CAGAYAN DE ORO CITY – Napun-an pa ang kaso sa local transmission sa coronavirus disease ang Zone 5,Brgy 35 ning syudad.
Kini human nag-positibo sa bayrus ang bana sa ika-97 ka pasyente nga babaye ingon man ang ig-agaw niini nga lalaki sa maong lugar.
Miingon si City Health Office epidimiologist Dr Joselito Retuya nga hinoon pulos walay grabeng gibati ang ika-119 ug 120 nga pasyente samtang gipaubos sila sa kuwarantinas sa pasilidad sa syudad.
Nunot niini,mismo na ang brgy opisyales ang naghimo sa lapad nga contact tracing ngadto sa close contacts sa maong mga pasyente.
Samtang sa pikas bahin, gihangyo sa laing higayon ni City Mayor Oscar Moreno nga seryosuhon sa publiko sa pagsunod sa minimum public health standards kon dili sila gusto matakdan sa coronavirus disease.
Gihimo ni Moreno ang komento tungod sa kasuko ni Pres Rodrigo Duterte sa mga tawo nga pabiling gibalewala ang pagsul-ob sa facemask batok bayrus.
Namahayag ang mayor nga kon dili maantigo mosunod ang katawhan sa kamanduan,mapugos ang gobierno pagdakop kanila ug manubag sa balaod.
