CAGAYAN DE ORO CITY-Kumpiyansa ang local environmentalist nga walay mga beach resort o mga negosyante nga nanginabuhi sa mga kababayunan nga nakasupak sa Philippine Clean Water Act.
Kini human miani’g kontrobersya ang pagka-diskobre ni Presidente Rodrigo Duterte sa sobra kahugaw na nga katubigan nga anaa sa isla sa Boracay sa Kalibo City, Aklan.
Miingon si kanhi CLENRO officer Edwin Dael nga gawas sa DENR-10, may grupo usab nga Guardians of the Earth diin aktibo sa paghatag proteksyon sa natural resources sa Region 10.
Nagpasidaan si Dael nga dakong multa ug pagka-priso ang dangatan sa mga negosyante o mga opisyal nga makasupak sa clean water act.
Una niini, nasuta nga 300 ka business establisements ang wala nagbaton sa waste treatment facility hinungdan nagsamot kahugaw ang katubigan sa Boracay Island.
