CAGAYAN DE ORO CITY-Gibaha sa mga simpatiya ug pag-ampo si Bombo Patrick Tablon gikan sa mga kauban sa media ug mga higala niini samtang nakigbisog gumikan sa pagka-aksidente sa Kauswagan Highway sa syudad kaganihang kadlawon.
Kini human nahiagom sa dili tiaw’ng kondisyon ang panglaws ni Bombo Patrick dihang nabanggaan sa iyang gisakyang motorsiklo ang kulang sa early warning device nga naka-parking nga backhoe sa Benrey Construction sa maong lugar.
Mismo sila si City Information Office head Maricel Casino Rivera ug Provincial Information head Nicole Managbanag ang pulos nagpaabot sa panghinaot nga paspas nga maka-recover si Bombo Patrick gikan sa sitwasyon.
Bisan ang ubang media gikan sa mga mantalaan, telebisyon ug mga radio station ang mibati’g kasubo sa gidangatan sa among kauban sa trabaho ning sibyahan.
Si Bombo Patrick ang pauli na unta gikan sa Bombo Radyo padulong sa Opol ning lalawigan dihang disgrasya nabangaan ang backhoe sa kompanyang Benrey Construction nga walay klaro nga early warning device hinungdan sa hitabo.
