CAGAYAN DE ORO CITY – Gisaway sa grupong United Drivers Association o UNIDA ang pagpatuman sa city govt sa Local Public Transport Route Plan o LPTRP epektibo ning adlawa.
Miingon si UNIDA Pres Joel Gabatan nga labing maayo nga ipatuman ang service contracting sa DOTR aron dunay mahipos gihapon nga kinitaan ang mga apektadong rota bisan kon sila magminus ang pagpaskay sa mga pasahero.
Gibutyag ni Gabatan nga walay preparasyon ang kagamhanan kon unsay panginabuhian sa mga drayber nga direktang maapektuhan sa maong bag-ong mga rota.
Sa dili na angay mo-atras apan ipadayon kon unsa man ang dala nga kabag-uhan sa modernong panahon.
Kini ang pagpasabot ni Roads and Traffic Administration Manager Engr. Nonito Oclarit kabahin sa pagpatuman sa 78 ka bag-ong rota nga sugdan karong adlawa.
Miingon si Oclarit nga dugay’ng panahon na kini gipreparahan sa city govt rason nga angay lamang ipatuman alang sa ikaayo sa kadaghanan.
Siya miingon nga may mga alternatibong trabaho nga giprepara usab ang city govt kabahin sa mga apektadong mga drayber nunot sa pagpatuman sa LPTRP.
