CAGAYAN DE ORO CITY – Gikompirmar ni Northern Mindanao Medical Center o NMMC hospital director Dr Jose Chan nga nagbaton na sa local transmission sa coronavirus disease ang syudad.
Kini human natakdan sa namatay nga si COVID-19 PatientNo.40 ang iyang anak babaye samtang giatiman sulod sa pipila ka semana sa NMMC sa miaging magduha na ka semana.
Miingon si Chan nga hinoon,kontrolado nila ang lihok sa 27 anyos nga anak sa maong pasyente ug naka-confine usab kini sa Amai Pakpak Medical Center didto sa Marawi City.
Gikompirmar usab ni Chan nga kasamtangang gihuptan nila ang duha ka pasyente nga positibo sa bayrus sa NMMC diin usa niini taga-Cagayan de Oro ug laing taga-Lanao del Sur.
