Apektado ang tibuok transportation system sa syudad, dili lamang ang mga sakyanang pangpubliko sama sa Public Utility Jeepneys (PUJs), kondili apil usab ang implementasyon sa Public Transport Modernization Program.Namahayag sa Bombo Radyo si PN ROA Canitoan Transport Cooperative (PONTRANSCO) Manager Lalaine Escobidal nga dakong epekto na sa ilang kompanya ang kahimtangan karon tungod kay nakautang na sila og milyones ka pesos alang sa pagpalit sa mga modernong sakyanan aron mosuporta sa jeepney modernization. Matod pa ni Escobar, kung dili pa hingpit nga maimplementar sa Land Transportation Franchising and Regulatory Board (LTFRB) ang route rationalization plan, magpadayon ang pagkunhod sa ilang kita.Gipasabot niya nga padayon pa nilang makompetensya ang mga tradisyunal nga PUJs o mga “exis” nga nagdagan gihapon sa karaang mga ruta, hinungdan nga dili patas ang kahimtangan sa mga modernized operators. Tungod niini, nanawagan ang PONTRANSCO ug uban pang transport service entities nga ipatuman na dayon ang maong route plan aron dili na sila ma ataw-ataw ug aron makasugod na sa pagbayad sa ilang giutang sa bangko. (JAMES OLIVER)
