CAGAYAN DE ORO CITY – Gi-andam na sa kapolisan ang kasong ipasaka batok sa duha ka suspek sa pagpamusil sa roomboy sa Queensland Lodging House diha sa Brgy. Kauswagan ning syudad kagabii.
Kini human nadakpan sa kapolisan ang mga suspek nga sila si Allan Ali ug Cy Rakim Dimalutang nga taga Opol, Misamis Oriental.
Sa pakighinabi sa Bombo Radyo, giangkon ni Ali nga nagkabikil sila sa biktimang si Arjohn Quiram, 31-anyos, ulitawo nga taga Lanao del Norte human siya paningli sa bayad sa lodging house.
Apan wala nila angkona nga siya ang mipusil sa biktima gamit ang 9mm nga pistola.
Nakaangkon ang biktima sa samad-pinusilan sa iyang li-og ug anaa sa kritikal nga kahimtang sa ospital.
