Gipakatawo na sa actress nga si Loisa Andalio ang ilang unang anak ni Ronnie Alonte. Sa social media account sa aktor, iyang gipakita ang pagpanganak sa aktres. Baby girl ang ilang anak ug ila kining ginganlana’g Runi Lior nga adunay dagnay nga “Nili”. Gipakita usab sa aktor ang gamay nga hulagway sa bata nga nagsul-ob og sinina nga adunay inisyal nga RL. Maghinumdum nga niadtong Disyembre 2025 ilang gi-anunsyo ang pagsabak sa aktres, diin gihimo kini pipila ka semana human masurpresa ang mga fans nga kasal na diay sila. Una niini, gi-anunsyo usab sa actress nga laraw pa nilang dugangan pa ang ilang anak.
