CAGAYAN DE ORO CITY – Detinado ug kasuhan sa kapolisan sa murder ang usa ka pamilya nga suspek pagtigbas-patay sa 64 anyos nga ginang diha sa Purok 3,Brgy Mandahilag,Talisayan,Misamis Oriental.
Kini human unang nagkalalis ang biktima nga si Melodia Ordinal,64 anyos,minyo ug Marian Mandapiton samtang nanglaba sila sa maong lugar kagahapon sa hapon.
Gibutyag Police Capt Mariberth Ramoga,hepe sa Talisayan Police Station naabtan sa suspek nga si Michael Mandapiton ang paglalis sa duruha hinungdan gidunggab niini sa daghang higayon si Ordinal gamit ang sundang hinungdan sa iyang kamatayon.
Lakip usab sa kasuhan ang kapikas sa suspek nga si Merlyn ingon man ilang anak nga si Roberto ug Marian kay daw gitabangan nila ang biktima.
Nasuta nga may dugay nang bikil ang biktima ug ang maong pamilya nga subli napukaw tungod lamang sa isyu sa pagpanglaba.
Hinoon,pulos mitahan sa kapolisan ang mga suspek diin kasuha’g murder sa piskalya ning adlawa.
