CAGAYAN DE ORO CITY – Namatay ang 72-anyos nga lola human nabakunahan sa Astrazeneca vaccine sa Brgy Salimbalan Baungon Bukidnon.
Gibutyag ni Christian Peter Tajuran, SK Chairman sa Brgy Salimbalan nga mitrabaho pa pagka-ugma ang biktima nga janitres tungod kay wala daw kini nasinatian nga side effect apan kalit nagalisod sa pagginhawa pagkasunod adlaw.
Miingon si Tajuran nga namatay ang maong lola Dominggo sa hapon.Giimbestigaran pa sa Dept of Health kon nganong namatay ang biktima.
Samtang giangkon ni Baungon Municipal Health Officer Dra. Vona Mae Obial nga may COVID-19 vaccine recepient sila nga namatay human nabakuna sa Astrazeneca.
Apan gitin-aw ni Obial nga wala kini nagpasabot nga ang bakuna maoy hinungdan sa kamatayon sa 72-anyos nga lola.
Namahayag si Obial nga gipailalom na sa otopsiya ang biktima aron matumbok ang hinungdan sa kamatayon niini.
Kini ang ikaduhang kaso nga may namatay human natupukan sa bakuna diin unang natala ang 73 anyos nga lolo usab gikan dinhi sa syudad sa miaging semana.
