CAGAYAN DE ORO CITY – Patay ang senior citizen nga babaye dihang nalungkong sa nasunog nga duha ka andana nga pinuy-anan sa Brgy Labo,Ozamiz City.
Giila ni Ozamiz City BFP Marshall Sr Fire Insp Wilfredo Dagatan nga si Erlinda Lagarpe,68 anyos nga nagpuyo sa maong lugar.
Miingon si Dagatan nga nagluto ang biktima sa ikaduhang andana sa balay dihang kalit dunay giingong paghungaw sa gigamit nga gasul hinungdan sa pagdako sa kalayo.
Wala na makagawas ang biktima tungod sa kapaspas pagkaylap sa maong sunog.
Nadamay usab ang laing balay nga silingan niini apan walay gikataho nga nasamdam sa mga residente niini.Mitala sa 400-mil pesos ang structural damage sa sunog.
