CAGAYAN DE ORO CITY – Gikasuhan sa parricide ang senior citizen nga miunay’g patay sa iyang kaugalingong igsoon sa Purok 3, Labuay, Maigo,Lanao del Norte.
Giila ang suspek nga si Nolly Bakod de la Peña, 60, walay trabaho ug residente sa maong lugar.
Sumala ni Maigo Police Station commander Lt. Baltazar Deguilmo nga posibleng napuno na ang suspek sa kanunay’ng pagbuybuy sa biktimang si Evilyn Dela Peña Dollier, 46, bulag asawa ngadto kaniya busa nahimo ang krimen.
Gitigbas sa suspek ang liug sa biktima gamit ang sanggot ug gidunggab pa sa kutsilyo.
Dugang ni Deguilmo nga dili na bag-o sa suspek ang pagpatay ilabina nga may nabiktima na usab kini sa milabay’ng panahon.
