CAGAYAN DE ORO CITY-Naghikog-patay ang usa ka 68 anyos nga amahan kinsa naghambin sa sakit nga tuberkolosis sulod sa pinuy-anan niini diha sa Zone 1,Brgy Kauswagan sa syudad kagahapon sa udto.
Giila ang biktima nga si Eugenio Velez Lusterio,minyo ug nagpuyo sa maong dapit.Mismo ang kapikas nga si Nilda Fe Lusterio ang naka-diskobre nga nagbitay na ang patay’ng lawas sa biktima kagahapon sa hapon.
Kutob pagpangayo’g pasaylo na lamang ang anak nga si Christopher Lusterio sa gidangatan sa ilang amahan.
Gigamit paghikog sa biktima ang pisi sa baboy diin gihikot sa iyang li-og ayha milukso sa ilang duha ka andana nga hagdanan.
