CAGAYAN DE ORO CITY-Kasuhan sa kapolisan sa pagbaton ang 75-anyos nga lolo nga giingong nagbaton sa drug den o balay pasuyupan sa gidiling droga diha sa Piaping Puti,Brgy Macabalan sa syudad.
Kini human unang nasikop sa grupo ni Macabalan Police Station deputy commander Sr/Insp Mar Ustadz ang suspek nga si Bienvinido Casiño nga lumad taga-Tagoloan,Misamis Oriental apan nanimuyo na karon sa Brgy Macabalan sa syudad.
Nasikop usab ang laing Nathaniel Ramoso nga aktong nasapon sulod sa drug den.
Hinoon,giangkon ni Casiño nga mismo siya ang nagdumala sa maong drug den diin mobayad kaniya sa tag-P20 pesos ang drug users aron mohimo’g pot session sa iyang pinuy-anan.
Walay nakuha nga shabu sa posisyon sa suspek apan drug paraphernalia lamang suldo sa drug den.
