CAGAYAN DE ORO CITY – Patay nang nakit-an ang 89 anyos nga lalaki sulod sa iyang balay gikatulgan sa Purok 1,Brgy Mandaing,Cabanglasan,Bukidnon.
Giila ni Capt Melchor Saraus Jr,hepe Cabanglasan Police Station ang biktima nga si Marcial Lambos,minyo nga nagpuyo sa maong lugar.
Miingon si Saraus nga mismo nag anak babaye nga si Alice Lambos ang nagreport kanila kabahin sa kamatayon sa ilang amahan diin nasunog ang lawas sulod sa balay niini.
Gidali pa pagdala ang biktima apan mismo si Dr Kalra Llido ang mikompirmar nga wala na kini kinabuhi.
Walay nakit-ang samad sa kalawasan ang biktima nga binuhatan sa tawo gawas lamang sa pagkasunog niini.
