CAGAYAN DE ORO CITY – Wala pa maila ang senior citizen nga gitoohang nalumos-patay ug nakit-an na lang naglutaw-lutaw sa pipila ka residente diha sa Brgy Consolacion ning syudad.
Gibutyag ni Chief Master Sgt Pocholo Beja sa Macabalan Police Station nga posibleng gikan sa laing lugar ang biktima nga naanod sa Cagayan de Oro kay walay nakaila sa pagkabangali niini kagahapon sa hapon.
Giaghat na lang ni Beja kadtong mga pamilya nga nawad-ag sakop sa panimalay nga mobisita sa ilang buhatan aron magiyahan.
Nasuta sa kapolisan nga inisyal nga walay foul play sa kamatayon sa biktima.
