CAGAYAN DE ORO CITY – Gi-suhestiyon sa Carmen Police Station ngadto sa kabanay nga angay ipaubos sa otopsiya ang patay’ng lawas sa senior citizen sa Zone 4,Looc,Brgy Canitoan ning syudad.
Kini human nakit-a ang patay’ng lawas sa biktima nga si Roland de los Reyes,66 anyos nga nanimaho na sa maong lugar.
Namahayag ang kapolisan nga gihimuan pa sa dugang imbestigasyon ang nadiskobrehan nga patay’ng lawas aron sukdon kung adunay ilhanan nga hayan adunay foul play sa hitabo.
Una niini,nangalisngaw na ang baho sa biktima sulod sa iyang balay rason nga nabantayan kini sa mga silingan rason nga gipahibalo ngadto sa mga otoridad.
