CAGAYAN DE ORO CITY – Dead on the spot ang 56 anyos nga lolo nga nalambigit sa dugu-ong aksidente sa Barangay Omonay,Damulog,Bukidnon.
Giila ang sa kapolisan ang biktima nga si Ting Guimbal nga residente sa lugar.
Subay sa imbestigasyon, lulan sa motorsiklo ang biktima dihang gibanggaan kini sa 16 anyos nga batan-on nga dunay backride nga menor de edad nga misimang sa pikas lane.
Giatiman pa sa mga doktor ang batan-on ug backride niini nga 9 anyos tungod sa ilang nahiagumang mga bun-og sa kalawasan sa maong aksidente.
