CAGAYAN DE ORO CITY – (Update) Gikonsiderar sa survivors nga sila Raymart Briones ug Romulo Briones nga milagro ang ilang pagkabuhi human mahulog ang iyang gi-drayban nga FUSO 10 Wheeler Truck sa 50 metros nga pangpang sa Sayre Highway, P-6, Kisolon, Sumilao, Bukidnon.
Base sa report, luwas na sa makuyaw nga kahimtang ang duruha sulod sa Bukidnon Provincial Medical Center sa Malaybalay City.
Namahayag si Patrolwoman Lorie Mae Fabria sa Sumilao Police Station nga mi-angkon ang drayber sa truck nga si Briones nga na-lock ang iyang steering wheel ug wala niya na-maniobra ang paglikay sa bakilid nga bahin sa maong dalan.
Kini ang rason nga nahulog ang iyang trak sa Alalum Bridge.
