Gisaway ni Palace Press Officer Atty Claire Castro ang balik-balik nga mga alegasyon batok Presidente Ferdinand Marcos Jr., ug kanhi House Speaker Martin Romualdez.
Gihimo ni Castro ang pahayag agig tubag sa mga pasangil ni Atty Levi Baligod nga maoy nagpresentar sa 18 ka mga kanhi Philippine Marines nga mitug-an sa ilang kasayuran sa binilyong kickback sharing sa salapi sa katawhan gikan sa mga proyekto sa Department of Public Works and Highways (DPWH).
Sa press briefing sa Malacañan, namahayag si Usec Castro nga wala nay bag-o sa ilang gabasahon nga script ug puro walay kamatuoran ang pasangil niini.
Sa katapusan, mihatag sa “clue” ang kalihim kung kinsang sakyanan ang gigamit aron musugat sa mga mipatim-aw nga testigos batok pangulo ug sa kanhi speaker.
katawhan.
