CAGAYAN DE ORO CITY, Philippines – Hayan dunggon sa senado ang ilegal nga sirkulasyon sa cryptocurrencies nga maoy gigamit sa mga sindikato sa ilegal nga negosyo sama sa love scam.
Kagahapon, giduso na ni Senador Sherwin Gatchalian ang Senate Resolution No. 1317 nga nagtumong sa pag-imbestigar sa kuyanap nga kaso sa love scam ug uban pang klase sa pagpangilad sa gamit ang internet nga gipaluyuhan niadto sa mga ilegal Philippine offshore gaming operators (POGOs).
Namugos si Gatchalian nga kinahanglan masubli ang pag-imbestigar ang lapad nga ilegal nga kalihukan sa mga sindikato sulod sa mga ilegal POGO nga maoy nagpakuyanap sa cyrptocurrency sa nasud.
Mahinumduman nga sukad Enero, walo na kaso sa love scam ang nareport sa Philippine National Police Anti-Cybercrime Group (PNP-ACG), kundiin 72 ka kaso ang narespondeha sa tuig 2024.
Mihungaw usab ang report nga 5,000 ka mga Australiano ang nabiktima sa love scam sa Pilipinas, segun sa report sa Australian Federal Police, kundiin nalimas sa mga sindikato ang gibana-ban AUSD – 24 million Australian Dollars kay milampos ang mga scammer sa pagpangilkil sa mga lalaking Australiano nga nagpangidad sa 35 padulong 80 kay kini sila misulod sa usa ka online dating application dala sa iyang pagpangitag pares sa kinabuhi.
