CAGAYAN DE ORO CITY, Philippines– Mipasidaan ang Philippine National Police (PNP) sa uso nga modus panahon sa Valentines Day, ang LOVE SCAM.
Sa exclusive interview sa Bombo Radyo namahayag si Police Lt. Wallen Arancillo, spokesperson sa Anti Cyber Crime Group nga kasagaran mabiktima niini mao ang mga biyuda, biyudo, mga batan-on ug kadtong mga tawong desperado nga makakitag kaabag sa kinabuhi.
Ang scam sugdan pinaagi paggamit sa cellphone pasulod sa social media connection, hangtud sa hingpit nga mailad ang ilang target ug makapadala sa mga dagkung bugti sa salapi.
Base sa data sa PNP, walo na ka insidente ang reported batok love scam, ug sa milabay’ng 2024 misaka pa sa 72 ka kaso ang ilang naaksyonan.
