Nahimo nang bagyo ang Low Pressure Area (LPA) nga ulahing nasiplatan sa 520 kilometros sa sidlakan-habagatang sidlakang bahin sa Itbayat, Batanes.
Ginganlanan kini’g Tropical Depression Huaning.
Dala sa bagyo ang pinakakusog nga hangin nga muabot sa 45 kph ug pagrumbo nga muabot sa 55 kph samtang naglihok padulong sa Amihnan kasadpan bahin sa kapaspason nga 10 kph.
Sa pagkutlo ning balita wala pay direktang epekto bagyo sa nasud ug gilauman nga mugawas kini sa Philippine Area of Responsibility (PAR) karong gabii o sa sayong kabuntagon, ugmang adlawa.
Taliwala niini, gipasidaan ang mga mangingisda ug gagmayng sakyanan nga mag-igmat sa dagat tungod sa posibleng localized thunderstorms nga mahimong hinungdan sa kusog nga hangin ug pagsaka sa balod.
Ang ubang bahin sa Pilipinas makasinati sa ulan nga dala sa Habagat sa Palawan, ug localized thunderstorms sa Metro Manila, ug lapad nga bahin sa Visayas ug Mindanao.
