CAGAYAN DE ORO CITY, Philippines – Gipangandaman na sa Office of Civil Defense (OCD) Cagayan Valley ang direktang epekto sa Trough sa Low Pressure Area nga nasiplatan sa bisinidad sa southeastern Luzon.
Nagpagawas na sa direktiba si Defense Secretary Gilberto Teodoro Jr. kang Civil Defense Administrator Undersecretary Ariel Nepomuceno ug Cagayan Valley Regional Director Leon Rafael Jr., aron e-alerto ang tanan Regional Disaster Risk Reduction and Management Council (RDRRMC) ug Local Disaster Risk Reduction and Management Councils (LDRRMCs) ug aron ma-implementar ang enhanced preparedness and response protocols sa mga rehiyon nga posibleng maapektuhan sa trough sa LPA, ug sa nagkaduol nga Bagyong Kristine.
Kung makasulod sa Philippine Area of Responsibility, kini na ang ika-11 nga bagyo alang sa tuig 2024.
Gimando sa OCD nga batayan sa tanan RDRRMCs ug LDRRMCs ang detalyadong direktiba sa DND ug sa buhatan nga nakalatid sa ipakatag nga Operation Listo (Alert).
Kung padayon ang pagkusog sa ulan sa Visayas Area, lauman ang pre-emptive evacuation sa mga flood prone ug landslide risk area.
