CAGAYAN DE ORO CITY – Gipatuman na sa Roads and Traffic Administration o RTA ang Local Public Transport Route Plan (LPTRP) sa syudad ning adlawa.
Kini human nalangan na ang pagpatuman sa maong transport scheme subay sa sugo sa balaod kay makadaghang higayon nga gihataga’g konsiderasyon ang pagtoon aron wala na’y mobabag niini.
Namahayag si James Andrade, tigpamaba sa RTA nga magsilbi usab kini nga information ug awareness campaign ngadto sa publiko hangtod nga makuha ang nag-unang katuyuan niini.
Una nang namahayag ang grupong United Driver Assocation o UNIDA nga hatagan una nila duha ka bulan nga obserbasyon ang LPTRP implementation kung tinud-anay mahatag niini ang pinakatuyo sa maong programa.
Hisayrang kini nga programa ang kabahin sa gihingusgan sa Department of Transportation (DOTr) diin kabahin ang Land Transportation Franchising and Regulatory Board o LTFRB alang sa pagpalig-on sa modernong transportasyon sa nasud.
