Gikompirmar sa Land Transportation Franchising Regulatory Board (LTFRB) ang pagbukas sa Service Contracting Program.
Kini ang gibutyag ni LTFRB Region 10 Director Aljo Bendijo nga andam na sila mu-akomodar sa mga kooperatiba nga mukuha sa programa.
Iyang gipanawagan ang mga transport cooperatives nga pahimuslan kini nga programa kay makatabang kini sa ilang kinitaan.
Gitin-aw ni Bendijo nga ang maka-avail niini mao lang kadtong modernized jeepney ug UV Express nga adunay balidong prangkisa ug rehistrado sa LTFRB.
Unod sa programa ang GPS tracking system aron mamonitor sa gobyerno ang ilang biyahe.
