CAGAYAN DE ORO CITY-Sugdan na sa LTFRB- Northern Mindanao ang pagpatuman sa ilang Oplan Byaheng Ayos, Undas 2018.
Si LTFRB- Northern Mindanao regional director Aminoden Guro miingon nga gawas sa pag-aprobar sa mga special permit sa biyahe, ila nang sugdan ang pagmonitor sa mga terminals sa rehiyon.
Magbutang na usab sila’g mga help desk alang sa mga pasahero.
Gipahimangnuan usab ni Guru ang mga drayber sa bus company ug mga de-pasayruang jeep nga likayan ang ‘overloading’ nga biyahe.
Nagbahad si Guro nga mag-atubang sa bug-at nga silot ang mga drayber ug operator nga magpatuman sa fare increase.
Siya miingon nga iya nang pahamtangan sa silot nga P5,000 ang mga dili mosunod sa P7.00 nga minimum fare.
Hisayran nga ang P10.00 nga minimum fare ang gipatuman lang sa National Capital Region, Central Luzon ug Southern Tagalog regions sugod sunod bulan.
