CAGAYAN DE ORO CITY-Dili makaapektar sa mga sumasakay’ng pasahero kon ipatuman sa LTFRB-10 ug LTO-10 ang pagpangdakop sa mga bus ug van nga kolorum dinhi sa syudad ug lalawigan.
Lakang kini nga himoon sa maong mga ahennsiya aron dili mahitabo sa Northern Mindanao ang ngilngig nga road accident sa Nueva Ecija diin kapi’g 30 ka tawo ang patay sa miaging adlaw.
Si LTFRB regional director Allan Guro miingon nga anaa sa 90 porsiento sa public utility vehicles sa rehiyon ang nagbaton sa prangkisa aron motubag sa panginahanglan sa mga sumsakay’ng pasahero.
Sa pikas bahin,gidid-an sa LTFRB-10 ang publiko nga mosakay sa mga van nga gihimo nga pasayruhan diin may biyahe gikan sa syudad padulong sa Davao ug Caraga Regions sa Mindanao.
Si Guro miingon nga walay gitugtan ang ilang opisina nga vans aron mobiyahe sa maong mga lugar.Si Guro namahayag nga nakahulugan lamang kini nga kolorum ang maong mga salakyan.
Samtang abagan sa Land Transportation Office o LTO-10 ang anti-kolurom campaign sa LTFRB-10 batok sa public utility vehicles o PUVs nga nagbiyahe nga kulang sa papeles.
Si LTO regional director Oscar Salcedo nga wala na’y makalusot nga mga motorista nga naanad paghatag sa sinsilyo sa traffic law enforcers aron lamang makalusot sa pagbiyahe sa kadalanan.
