Wala makadawat sa kopya ang Land Transportation Franchising and Regulatory Board (LTFRB) gikan sa Department of Transportation (DOTr) kalabot sa gi-anunsyo ni Presidente Ferdinand Marcos Jr nga Libreng Sakay Clinic Service Contracting Program.
Kini ang gibutyag ni LTFRB-10 Regional Director Aljo Bendijo sa BOMBO RADYO.
Miingon si Bendijo nga kini maoy nakitang sulosyon sa gobyerno aron dili na mupetisyon sa dugang singil sa pletihan ang public transport.
Pinaagi sa programa bayaran sa gobyerno ang kada kilometro na biyahe sa balor ₱40 hangtud ₱100 alang sa mga karaang jeep ug modernong bus dinhi sa Northern Mindanao.
Magsugod kini sa Abril 15. Mahinumduman nga nangayog dugang pondo ang DOTr sa balor P5-Bilyon alang sa maong tumong
