CAGAYAN DE ORO CITY-Nagpalugwa’g katin-awan ang Land Transportation Franchising and Regulatory Board Region 10 kalabot na sa isyung 20% nga diskwento alang sa mga magtutungha.
Sa pag interbyu sa Bombo Radyo,gibutyag LTFRB – 10 regional director Allan Guro nga mo-epekto ang fare discount sa adlaw’ng Sabado Oktobre 28 ning tuiga.
Hinoon, gitin-aw usab ni Guro nga walay labot sa diskwento ang mga “out of school youth” ug post graduate students sama sa nag-masteral ug mikuha’g doctorate.
Gikinahanglan nga ipakita lamang sa mga magtutungha ang ilang mga ID aron sila makapahimulos niini.
