CAGAYAN DE ORO CITY-Makighiusa grupong STAREX-Piston Northern Mindanao sa National Confederation of Transport Union o NCTU Northern Mindanao sa duha ka adlaw nga transport strike sa syudad ug lalawigan sa Hunyo 5 ngadto 6 ning tuiga.
Kini aron ipalanog sa maong mga grupo ang kusganong pagsupak sa dinali-dali nga pagpatuman sa modernization program sa transportasyon sa nasud.
Matud ni STAREX-Piston regional spokesperson Ringo Lago nga dili supak sa plano sa gobierno apan unta hatagan sa igong higayon ang mga operator sa pag-andam sa ilang mga sakyanan.
Ipatuman ang pagwagtang sa 15 anyos nga jeep pasayruan epektibo sa Hunyo ning tuiga.
Samtang gikaminusan lamang sa LTFRB-10 ang ilusad nga transport strike sa duha ka dagkong grupo sa jeep operators ug drivers dinhi sa rehiyon.
Kini tungod kay posibleng anaa lamang sa 10 porsiento nga makahimo’g kabalda sa mga pasahero ang ilusad nga welga sa STAREX-Piston ug NCTU Northern Mindanao sunod-sunod semana sa syudad.
Gibutyag ni LTFRB regional director Allan Guro nga dili mokuyog kanila ang labing dako nga transport group nga nakabase dinhi sa dakbayan sa maong kalihukan.
