CAGAYAN DE ORO CITY-Gihimakak sa LTFRB-10 nga sugdan na nila ang pagkompiskar sa mga karaang public utility vehicles o PUVs nga 15 anyos pataas ang gindugayon sa kadalanan.
Kini human unang gibutyag ni DOTr Undersecretary Thomas Orbos nga mo-epekto na ang transport modernization program sunod semana.
Gibutyag ni LTFRB regional director Allan Guro nga nagpadayon pa ang konsultasyon diin naghatag pa sa tulo ka tuig nga moratorium ang gobierno alang niini.
Gihupay ni Guro ang kabalaka sa transport sector kabahin sa pahayag ni Orbos.
Samtang sugaton sa lapad nga welga sa transport groups kon ugaling tinud-on sa DOTr ang pagpangguyod sa mga jeep pasayruhan epektibo sunod semana.
Kini ilabina kon mahuptan sa transport sector ang implementing rules and regulations o IRR sa DOTr order nga magpihig sa katungod sa mga operator ug driver tibuok nasud.
Miingon si National Confederation and Transport Union o Northern Mindanao NCTU coordinator Joel
Gabatan nga dili na bag-o kanila ang bahad sa gobierno hinungdan nga andam na sila niini.
Nagtoo si Gabatan nga kon ihinayon sa gobierno ang pag-phase out sa vintage PUJs,posibleng maghiusa na ang nagkadaiyang transport groups aron batukan ang maong lakang sa gobierno.
