Gipahibalo sa LTFRB Region 10 nga naghulat pa ang ahensya sa kumpletong database sa mga transport operators ug drivers sa rehiyon aron masiguro ang tukmang distribusyon sa fuel subsidy ug ayuda.
Matod pa ni Director Aljo Bendijo, sa dihang makumpleto ang listahan, ipasa kini dayon sa LGU ug DSWD alang sa hapsay nga pag-apod sa pondo sa mga benepisyaryo.
Ang subsidy nga 25 bilyon pesos mahimo gamiton pinaagi sa electronic money issuers sama sa GCash ug Paymaya, ug pwede usab sa pagkaon o ubang panginahanglan.
Gisiguro usab sa LTFRB nga adunay multiple waves sa pag-apod aron ang tanan stakeholders, gikan sa jeepney operators hangtod sa motorcycle taxi drivers, makadawat sa ayuda.
Nagpadayon ang koordinasyon sa LTFRB, DSWD, ug LGU aron malikayan ang kalibog ug masiguro nga mapuslan sa tukmang paagi ang pondo gikan sa gobyerno. (By James Oliver)
