CAGAYAN DE ORO CITY-Sugdan na sa Land Transportation Office o LTO inabagan sa Roads and Traffic Administration o RTA enforcers ang pagdakop sa mga sakyanan nga mga nakasupak sa pagpatuman sa Republic Act 10913 o mas inilang “Anti-Distracted Driving Act”.
Sa pakighinabi sa Bombo Radyo, gitin-aw ni LTO regional director Oscar Salcedo sa dili pa ang dakop, ipatuman una nila ang “tokhang” sa mga dryaber nga makalapas nasampit nga balaod.
Sa implementasyon sa Republic Act 10913 ang first offense naglangkob sa pagbayad sa P5-mil isip multa sa violators.
Samtang gisaway sa simbahang Katoliko ang bag-ong balaod diin nagdili na sa mga motorista nga magbaton sa mga rosaryuhan sulod sa ilang mga sakyanan.
Kini human gipamugos sa kagamhanan nga kabahin ang mga rosaryohan ug religious images nga makahatag pagkabalda sa panan-aw sa mga driver samtang nagbiyahe.
Namahayag si Bro Cleb Calibutan sa Catholic Lay Theolegian nga atake sa pagtoo ang katuyuan sa pagpatuman anti-distracted driving act.
