CAGAYAN DE ORO CITY – Tumanon sa Land Transportation Office o LTO-10 ang kamanduan ni Pres Rodrigo Duterte sa pag-suspenso sa “doble plaka law” sa nasud.
Tumong unta niini nga balaod ni Senador Richard Gordon nga magsilbing anti-criminality apan gisupak sa pipila ka motor riders ug nakita ni Duterte ang kadelikado ang pagbaton sa duha ka plaka sa mga motor.
Gibutyag ni LTO 10 regional director Nelson Manaloto nga sundon nila ang instruction sa presidente.
Samtang magpahigayon sa public consultation ang LTO sa usa ka hotel ning syudad sa adlaw’ng Biyernes.
Kini bisan nga nagpagawas nag kamanduan si Duterte sa pagsuspenso sa “doble plaka law” sa nasud.
Gibutyag ni Manaloto nga wala silay nadawat nga mando sa pagpaundang sa pagmugnag Implementing Rules and Regulations o IRR.
Tungod niini, miingon si Manaloto nga magpadayon gihapon sila sa pagpangutana sa publiko sa suhestyon mahitungod sa pagpatuman sa maong balaod.
