CAGAYAN DE ORO CITY- Giawhag ni LTO regional director Oscar Salcedo si Kag Bong Lao sa konseho ning syudad nga ilugwa na ang gabayan mag-regulate sa motorized sikad ug tri-cab.
Kini tungod sa dala nga peligro sa maong salakyan diin gakarga’g mga pasahero ilabina sa highway ug sentro sa syudad.
Gihimo ni Salcedo ang awhag tungod sa laing kamatayon sa driver sa tricab nga mibangga sa nakaparadang trailer truck sa Brgy Puerto sa syudad kagahapon sa buntag.
Una nang gipangita sa kapolisan ang driver sa truck aron manubag sa kamatayon sa biktima nga si Alberto Erroisa, 48-anyos, residente sa Brgy Tablon ning syudad.
