CAGAYAN DE ORO CITY- Daw napikon si LTO regional director Oscar Salcedo dihang gitawag kini sa usa ka magbubuhis nga naghinobra ang pagka-pulpol sa ilang opisina.
Kini human kuwestiyona sa motorista nga si alyas Boy nga wala gihapo’y paglugwa sa plate number alang sa mga sakyanan.
Gibutyag ni Boy nga ikatulo na niya nga pagbalik sa LTO-10 apan pakyas gihapon makuha ang plaka sa iyang sakyanan.
Una niini,gipasabot ni Salcedo nga maglisod paglugwa ang plate numbers kay gimando sa Commission on Audit nga ihunong ang pagpalit sa plate numbers kay ilegal nga kalihukan nga nagpaluyo niini.
